投機先要溫功課

買入認購期權  Long Call 一般投資者看好某隻股票時，會買入正股，待股價上升時，賣出獲利。 但這並不是最好的方法，原因是投入本金十分高昂，同時買賣正股所產生出的交易成本，令短炒利潤下降，續而降低risk return ratio，長遠而言降低每單交易的獲勝率。 因此，若筆者目的是投機，是賺價的話，筆者首選期權。 看升的話，可買入認購期權(Long Call)，投機者只需付出的期權金，最大虧損為所付的期權金。 當股價上升，認購期權價格同時上升，但期權上升的幅度可比正股價格的升幅高出幾十倍。這亦是期權令人著迷的地方: 槓桿。 ******************以下內容涉及現實操作，初學期權者可先略過******************** 槓桿幾多倍，視乎兩個因素- 期權到期日 和 行使價 。 以Long call為例，期權到期日愈遠，槓桿愈低; 行使價愈高(OTM)，槓桿愈高。 如何選定行使價？ 情況1，看急升，買入價外認購期權(OTM) Long Call，delta值選取0.25-0.3之間。 情況2，看升但唔知幾耐先升，買入深入價內認購期權(ITM) Long Call, delta值選取0.85或以上。 何時賣出認購期權(止賺)？ 情況1，買入了價外認購期權，當正股價格上升至行使價時賣出，筆者稱為Long到價。 情況2，買入了深入價內認購期權，當正股價格上升至目標價時賣出，原因是買入了深入價內認購期權實際上等如持有正股。 買入期權，風險有限？ Long side風險有限, 唯要付出額外的期權金作保險費。 假設A君玩輸遊戲，答應了我12月尾會用今日現價($60)賣匯豐比我, 但A君未出糧，今日無錢買定匯豐係手，然後在12月尾賣比我。最近個市不斷上升，但A君份糧只有60蚊，A君擔心到出糧之日匯豐已升到100蚊，到時A君無足夠金錢買入匯豐。依個情況下，A君可以買入一張12月到期，行使價為60蚊既匯豐認購期權(Long Call)，付出期權金(premium) 2蚊。假設匯豐最後真係升到100蚊，A君可以行使(exercise) 依張認購期權，以60蚊買入匯豐。因此A君付出的期權金($2)可視作為保險費，保障無論匯豐係12月尾前升幾多錢好，A君都可用60蚊買入匯豐。這是期權本來設計的用途:買保險。

期權基礎四式 期權 (Option) ，有人聽到依兩個字就覺得好危險，會破產的 ; 也有人會覺得只有專業投資者先識玩期權。但事實上，期權比你想象中容易得多。 期權既英文係 option ，即係選擇。筆者覺得中文譯得更好，期 : 時間，權 : 權利。 簡單黎講，期權係兩款合約，一款係 認購期權 (Call) ，另一款係 認沽期權 (Put) 。 買入一張期權叫 Long ，賣出就叫S hort 。 假設你買入 (Long) 一張匯豐既 (9 月 $50) 認購期權 (Call) ，代表你有權係 9 月尾前以 50 蚊買入匯豐。 注意依個只係你既權利 (Right) ，你並無義務 (Obligation)  。 咁賣依張認購期權既人，就係S hort Call ，佢有義務係 9 月尾前以 50 蚊賣匯豐比你。 如果你睇得明以上既內容，恭喜你，你已經學識左期權基礎四式既其中兩式 (Long Call & Short Call) 。 另外兩式就係 買入認沽期權(L ong Put) ，和賣出認沽期權 (Short Put)  。 假設你買入 (Long) 一張匯豐既 (9 月 $50) 認沽期權 (Put) ，代表你有權係 9 月尾前以 50 蚊賣出匯豐。 咁你對家，即係賣依張認沽期權 (Short Put) 比你既人呢，有義務係 9 月尾前以 50 蚊向你買入匯豐比你。 理解左以上既內容，你已經學識左期權基礎四式，但如何利用依四式係市場獲利，或管理風險呢？接下來一連四篇文章將會更深入解識。 附上 期權基礎四式盈虧狀況圖表