買入認購期權 Long Call
買入認購期權 Long Call
一般投資者看好某隻股票時，會買入正股，待股價上升時，賣出獲利。但這並不是最好的方法，原因是投入本金十分高昂，同時買賣正股所產生出的交易成本，令短炒利潤下降，續而降低risk return ratio，長遠而言降低每單交易的獲勝率。
因此，若筆者目的是投機，是賺價的話，筆者首選期權。
看升的話，可買入認購期權(Long Call)，投機者只需付出的期權金，最大虧損為所付的期權金。
當股價上升，認購期權價格同時上升，但期權上升的幅度可比正股價格的升幅高出幾十倍。這亦是期權令人著迷的地方: 槓桿。
******************以下內容涉及現實操作，初學期權者可先略過********************
槓桿幾多倍，視乎兩個因素-期權到期日和行使價。
以Long call為例，期權到期日愈遠，槓桿愈低; 行使價愈高(OTM)，槓桿愈高。
如何選定行使價？
情況1，看急升，買入價外認購期權(OTM) Long Call，delta值選取0.25-0.3之間。
情況2，看升但唔知幾耐先升，買入深入價內認購期權(ITM) Long Call, delta值選取0.85或以上。
何時賣出認購期權(止賺)？
情況1，買入了價外認購期權，當正股價格上升至行使價時賣出，筆者稱為Long到價。
情況2，買入了深入價內認購期權，當正股價格上升至目標價時賣出，原因是買入了深入價內認購期權實際上等如持有正股。
買入期權，風險有限？
Long side風險有限, 唯要付出額外的期權金作保險費。
假設A君玩輸遊戲，答應了我12月尾會用今日現價($60)賣匯豐比我, 但A君未出糧，今日無錢買定匯豐係手，然後在12月尾賣比我。最近個市不斷上升，但A君份糧只有60蚊，A君擔心到出糧之日匯豐已升到100蚊，到時A君無足夠金錢買入匯豐。依個情況下，A君可以買入一張12月到期，行使價為60蚊既匯豐認購期權(Long Call)，付出期權金(premium) 2蚊。假設匯豐最後真係升到100蚊，A君可以行使(exercise) 依張認購期權，以60蚊買入匯豐。因此A君付出的期權金($2)可視作為保險費，保障無論匯豐係12月尾前升幾多錢好，A君都可用60蚊買入匯豐。這是期權本來設計的用途:買保險。
以期權作投機
但投機者卻利用了期權作投機工具，用翻A君例子，假設筆者都認為匯豐會係12月尾升到100蚊，筆者同樣以期權金($2)買入一張12月到期，行使價為60蚊既匯豐認購期權(Long Call)。到12月尾，匯豐真係升到100蚊，咁依張認購期權(Long Call)值幾錢呢？答案係至少40蚊(100減60)，因為當我持有依張認購期權，我可以以60蚊，買入現價100蚊的東西。
筆者此時以40蚊將依張認購期權賣出, 扣除成本($2期權金)，筆者獲利38蚊，獲利19倍！
反觀若筆者當日以60蚊買入匯豐正股，期後匯豐升到100蚊，筆者獲利40蚊，獲利僅為66%
因此，很多人說Long call就是刀仔鋸大樹，以極低本金($2), 有限風險($2)，獲取暴利($38)。
你好，有點不太明白。
回覆刪除此Long call要如何賣出從而獲利？即是當升到$100時，要先用$60再買入該股票，然後才能再賣出，後而獲取$40利潤？
可以直接將依張Long call 賣出，香港期權行莊家制，你按問價便會有人提供Bid Ask 報價，若報價合理，可直接賣出依張Long call。只有當報價不合理時，才會用最後招數，行使依張Long call，以60蚊行使價買入匯豐正股，然後以100蚊市價賣出匯豐正股獲利。(注意，通常只有極度深入價內才沒有報價，或極差報價。)若需行使期權，當中需動用額外資金買入正股，而且行使後不是即時獲得正股，有隔夜風險。
刪除我想問師兄咁張long call到價，我早到期日賣出左張long call.，賺咗差價。之後張call 就唔關我事了？因為我之前傻傻的以為早到期日賣走張long call會變左早short call的。唔敢賣😂
刪除情況1，買入了價外認購期權，當正股價格上升至行使價時賣出，筆者稱為Long到價。
回覆刪除但點解唔可以等OTM LONG變左ITM先平倉？
我成日聽人講當OTM LONG一旦變左ATM LONG就應該平倉獲利，話因為有最大槓桿，但其實唔係好明
Long call由OTM 到ATM，它的價值全數為時間值，內在值為0。當由ATM入價內時，時間值會減少，價內值增加。因此，理論上，要獲得最大槓桿，應在時間值最大化時，即ATM平倉。但現實中，我們可以待極輕微價內(ITM)時才平倉，即delta=0.55-0.6的位置。
刪除當我在11月3買了11月29到期的long call , 我可否自由決左幾時賣出去獲利，還是硬性等到29號system 才自動賣出？
回覆刪除可自由決左幾時賣出去獲利
刪除我想買long call，想問隻long call 點先會跌到0，我係正股165 買， expect 升到185，12月11日到期
回覆刪除股票期權均以月尾前一個交易日到期，到期日不可能是12月11日，你是否說窩輪？Long call 只在到期日時，股價等如或低於行使價才會跌到0
刪除Long call係咪除左到期/股價到零先會變廢紙。
回覆刪除有意思係二線藍籌試下做
幾日前小米正股約30蚊買了小米三月尾到期35蚊行使價long call，現跌75%，我是否應該仲有時間值時觀望會唔會回升？而我最遲止蝕平倉日是否到期日前一天？有沒有平不了倉的可能？謝謝
回覆刪除買得近月價外call，你睇緊既係急升，基本上係預輸曬去搏倍數。估錯邊自然會輸，我自己會睇正股價去決定是否平倉，不是看期權金。
刪除請問如果美股購入long call行使價為60蚊既股票，最後升到65蚊，但期權金費用為10蚊，咁最後依張call會係到期日之後發生乜情況？還是會建議平倉？
回覆刪除請問如果美股購入long call行使價為60蚊既股票，最後升到65蚊，但期權金費用為10蚊，咁最後依張call會係到期日之後發生乜情況？還是會建議平倉？
回覆刪除請問long call應該怎樣止蝕? 股價一回調就馬上止盈? 還是因為有超過半年的時間，容許較闊的止蝕空間? 謝謝指教呀！
回覆刪除用正股價格止損而不是期權金。
刪除你好!想請教一下買期權 買長線 姐係23年24年到期要注意D咩?
回覆刪除要用期權計算機計下合理價，因遠月太少人報價，報價可能會極不合理。
刪除你好，想請教一下，如買入long call跟現在股價一樣的價格，有上升趨勢，期權金價已升1倍，請問到期日前應該做什麼行動？如在到期日已升穿行使價，是否可以保留該行使權不賣出，亦不買入正股直到在上升？最後，如要使用行使價買入正股，有沒有要求買多少？
回覆刪除有幸看到你的網頁，獲益良多👍🏻
回覆刪除想請教，如果我買了一張Long Call, 入了價而且未到期，價啱想賺差價平倉賣出這張Call, 那我竟不是由Long Call 變為Short Call?豈不是變為有義務？ 我是否理解錯了？請指教🙇🏻♂️
想請教下下面個案例可以有咩方法拆解，本身我買左堆ditm既LC，仲有3個月到期，我想平倉走人，但無人出價，有咩方法？有諗過用LP鎖倉，但LP個成本有d高，如果直接沽正股，去到到期唔知work唔work。
回覆刪除請問做了一張 Long call 後,如想賣出, 是否即是平倉? 或即是 將 Long call 平倉等於做返一張 short call?
回覆刪除